Mense lunio Hruodolfus quidam Nordmannus de regio genere, qui regnum KaroIi praedis et incendiis saepenumero vastaverat, classem duxit in regnum Hludowici regis, in comitatum videlicet Albdagi, missisque nuntiis praecepit habitatores loci illius tributa sibi pendere. Qui cum respondissent se non debere tributa solvere nisi Hludowico regi eiusque filiis et se nequaquam in hoc negotio ei assensum esse praebituros, ille vehementer iratus iuravit prae superbia se cunctis maribus occisis mulieres et parvulos cum omni substantia illorum in captivitatem esse ducturum, ignarus vindictae, quae eum de caelo erat secutura. Statimque terram illorum ingressus bellum adversus eos instauravit.
Translation :
-
Edition :
F. Kurze, Annales Fuldenses sive Annales regni Francorum orientalis (MGH SS rer. Germ., 7), 1891, 1-138.
Notes :
For the following battle in which the Frisians are victorious, refer to: "Frisians kill Hruodolfus and 800 of his Northmen in battle."
